FAO Sei Fó Asisténsia ba Protesaun Rikusoin Tasi

0
64
Ministru Agrikultura no Peska (MAP) no Ministru Estadu Koordenadór Asuntu Ekonómiku (MEKAE), Estanislau Aleixo da Silva. Foto TATOLI/Egas Cristovão.

DILI, (TATOLI) – Ministru Agrikultura no Peska, Estanislau Aleixo da Silva informa Food and Agriculture Organization (FAO)  sei fó apoiu asisténsia ba Timor-Leste ne’ebé servisu hamutuk ho Indonézia oinsá mak fó protesaun ba rikusoin tasi nian.

Estanislau hatete tanba Nasaun ne’e no Indónézia halo parte boot tebes  iha mundu nian mak triángulo de alta biodiversidade.

Nune’e apoiu FAO nu’udar asisténsia téknika ida ne’ebé sei lori espesialista iha área siénsia mariña nian ho pekizadór sira atu haree fatin iha fronteira tasi entre Timor-Leste no Indonézia nian tanba ikan sira sira bele la’o ba mai entaun fatin sira iha transfronteirisa tenke halo jestaun di’ak atu ema labele estraga no halo atividade ilegál.

“Ne’e envolve peskiza no sei haree kona-ba tasi okos no rikusoin sira ne’e oinsá mak atu proteje”, katak ministru iha Palásiu Governu, horisehik.

Peritu FAO no Indonézia prontu ona hodi hein de’it Governu ne’ebé seidauk asina akordu tanba sei haree akordu jerál ne’ebé Timor-Leste halo ho Organizasaun Nasaun Unida, akordu konsesaun taxa.

“Se FAO nian akordu ne’e halo parte iha ne’ebá entaun lapresiza lori ba aprovasaun Konsellu Ministru para hetan plenos dos poderes maibé hanesan Ministru Agrikultura bele asina de’it ho FAO para hahú ona servisu ne’e”, katak.

Iha loron 11 abril, Ministru Estanislau aprezenta ona akordu “Enabling transboundry cooperation for sustainable management of the Indonesians seas” iha enkontru Konsellu Ministru nian.

Kooperasaun ne’e sei hala’o durante tinan lima ou neen nia laran no importante tebes oinsá mak bele proteje ai-horis iha tasi laran atu hatene saida mak iha no saida mak tenke halo atu fó protesaun.

Jornalista: Maria Auxiliadora

Editora: Rita Almeida

HUSIK IDA HATÁN