Eskola 30 Agostu Husu ME Asegura Materiál Laboratóriu

0
131
Estudante EBS 30 Agostu-Komoro Díli bainhira toka instrumentu musikál iha sira nia laboratóriu múzika hamutuk ho voluntária koreana ida. Foto Tatoli: Rafy Belo

DILI, (TATOLI) – Direitór Eskola Bázika sentrál (EBS) 30 Agostu Komoro, Filomeno Salsinha husu ba Ministériu Edukasaun (ME) atu asegura materiál laboratóriu.

“Ami preokupa tebes ho seguransa ba sasan sira ne’e. Tanba ne’e ha’u lori eskola nia naran, husu ba vise ministra atu bele tulun tan ami nia lutu ka moru iha oin badak liu”, responsavél eskola ne’e propoen.

Tuir informasaun ne’ebé Tatoli asesu ohin, diretór ne’e konsidera katak laboratóriu ne’ebé iha estudante barak mak uza maibé barak mak aproveita, iha mós ema ne’ebé la aproveita ho di’ak. “Tanba ne’e ami preokupa”, salienta.

Ho preokupasaun ne’e, sujere ba ME atu iha oportunidade seluk bele tulun tan sira, liliu iha seguransa. “Nune’e bele proteje patrimóniu Estadu, atu neneik ba neneik eskola públika bele mós kompete”, afirma.

Informasaun ne’e bele asesu mós iha link ne’e: http://www.tatoli.tl/2017/04/ohin-inagura-laboratoriu-ebs-30-agostu/

Jornalista: Rafy Belo

Editora: Rita Almeida

HUSIK IDA HATÁN