DNSA Sei Hadi’a Bee Moos iha Iralafai

0
69
Ekipa DNSA, sei aranka ba aldeia Iralafai aban, hodi hadi'a bomba bee ne'ebé durante ne'e avaria. Foto TATOLI/Zezito Silva

LOSPALOS, (TATOLI) – Ekipa hosi Diresaun Nasionál Água no Saneamentu (DNSA) sei desloka ba aldeia Iralafai, aban hodi operasionaliza bee ne’ebé durante fulan haat la-funsiona hahú Janeiru to’o Abríl.

Diretór Nasionál Água no Saneamentu, Rui de Sousa bainhira halo intervista ho Tatoli iha nia servisu fatin Kaikoli, tersa (18/4).

Diretór Nasionál Água no Saneamentu, Rui de Sousa informa ba Tatoli iha nia servisu fatin Kaikoli, tersa (18/4) hatan ba preokupasaun komunidade relasiona fornesimentu bee moos ba komunidade.

“Aban, kuarta (19/4) ekipa aranka ona ba aldeia Iralafai atu hadi’a fali bomba, nune’e bee bele sai fali hosi fatuk kuak laran”, informa.

Tuir nia, ekipa hamutuk ema nain 10 ba terenu durante semana ida to’o bee sai no atende hikas nesesidade komunidade.

Ekipa hosi Dili ba aldeia Iralafai ho lojístika, materiál hanesan kabel bomba nian, transporte ne’ebé prepara hotu ona no sei desloka aban.

Enkuantu fulan hirak liu, ekipa halo observasaun direta no komunidade ho autoridade lokál sira informa kona-ba bomba ne’ebé a’at.

“Ami halo ona verifikasaun no prepara ona ekipamentu atu halo rehabilitasaun ba funsionamentu”, katak.

Hatutan tan, horseik orsamentu konklui ona no halo ona kompras ba materiál sira. Tuir loloos aranka ohin maibé bomba presiza prepara rakitan ho di’ak.

Prosesu ne’e lori tempu tanba orsamentu no diresaun mos muda hirarkia servisu entaun hosi ne’e kontribui hotu ba atrazu operasionaliza funsionamentu.

Jornalista: Zezito Silva

Editora: Rita Almeida

HUSIK IDA HATÁN