Deputadu Husu Lú-Olo mak Nomeia Prezidente TR-PJR

0
363
Edifisiu Palásiu Prezidensiál.

DILI, (TATOLI) – Membru bankada FRETILIN iha Parlamentu Nasionál, deputadu Francisco Branco husu atu nomeasaun Prezidente Tribunál Rekursu foun ho Prokuradór Jerál Repúblika, di’ak liu husik ba Prezidente eleito Francisco Guterres Lú-Olo mak responsabiliza.

“Prezidente eleitu mak nomeia duke atuál tanba nomeasaun foun sei halo servisu, kordenasaun ho Prezidente eleitu”, deputadu Branco fó nia hanoin iha plenária parlamentu, tersa (25/4).

Tuir nia, provizoriamente pozisaun Prezidente Tribunál Rekursu mamuk tanba atuál rejigna-án no PJR mós mandatu hotu ona, nune’e mós Prezidente Repúblika sesante, Taur Matan Ruak sura loron husik mandatu.

Haree ba kondisaun hirak ne’e, Prezidente TR no PJR foun husik ba prezidente eleitu atu toma responsabilidade.

Iha fatin hanesan deputada CNRT, Carmelita Caetano Moniz hatutan, desizaun hirak ne’e di’ak liu hein rezultadu prosesu inspesaun governu ba juiz nain lima (la-temi naran) ne’ebé agora iha hela prosesu nia laran.

Bainhira prosesu remata, bele hili entre nain lima ne’e ida ne’ebé di’ak liu hodi troka Prezidente TR.

“Prosesu inspesaun ba juiz sira durante ne’e foin akontese ba dala rua”, katak.

Jornalista: Manuel Pinto

Editora: Rita Almeida

HUSIK IDA HATÁN