Debate  Akadémiku Nu’udar Bukae ba Estudante

0
48
Atividade debate akadémiku iha Kampus FSS Kaikol. Foto Tatoli/Rafy Belo

DILI, (TATOLI) – Vise-Dekanu Estudantil, Fakuldade Siénsia Sosiál (FSS), Universidade Nasionál Timor Lorosa’e (UNTL), Camilo Ximenes husu ba estudante sira atu ativa partisipa iha atividade extra-kurikulár.

“Iha sala ita estuda teória maibé iha li’ur ita bele ko’alia no prátika”,  hateten vise-dekanu, ba estudante sira iha kampus FSS Kaikoli, kuarta (26/4).

Ho kestaun ne’e, maske ho difikuldade finanseiru, FSS organiza atividade oioin inklui debate akadémiku nu’udar bukae ba estudante sira.

Bainhira estudante ida termina estudu ho notas aas maibé falta esperiénsia, tan menus partisipasaun iha atividade, tantu kurikulár nomós estrakurikulár sei problema.

Bainhira ko’alia kona-ba tranformasaun lideransa, jerasaun foun labele hanoin de’it iha uma mak ema ba bolu no fó kargu maibé liuhusi envolvimentu iha atividade oioin hanesan debate, diskusaun no seluk tan mak ema sei hili no bolu tan haree ba matenek no kapasidade.

“Ema sira ne’ebé fó ne’e ema sira ne’ebé prontu ona atu kaer kuda talin. Tanba ne’e debate di’ak tebes no diak liu tan husu partisipasaun másimu”, katak.

Bainhira partisipa iha diskusaun eh debate, respeita malu ba idea ne’e importante. “Respeitu ema seluk nia hanoin, tempu no tau hanoin ne’ebé mak loos tuir kestaun no problema ne’ebé mak estudante estuda”, dehan tan.

Relasiona ho atividade ne’e, nia husu atu banati espiritu luta FALINTIL (Força Armada da Libertação Nacional de Timor Leste).

“Falintil sira ne’ebé uluk iha ailaran maske laiha hanoin ida, laiha esperansa ida ba sira atu moris, bainhira mak funu hotu maibé sira nafatin hala’o atividade. Agora banati tuir ida espiritu ida ne’e”, katak tan.

Jornalista: Rafy Belo

Editora: Rita Almeida

HUSIK IDA HATÁN