BRI Investe iha Timor ho Kapitál Biliaun 70

0
431
General Manager Bank Rakyat Indonesia (BRI), B. Bernandus Nadapdap, hala'o aprezentasaun prezensa BRI iha Timor-Leste ba funsionáriu Palásiu Governu, kinta ne´e. Imajen Ajénsia TATOLI/Xisto Freitas

DILI, (TATOLI) – Bank Rakyat Indonesia (BRI) investe iha Timor-Leste ho kapitál biliaun 70 rupiah (5,300.000 dolar amerika). Hafoin lansa iha 14 fulan-marsu 2017, BRI iha ona kliente hamutuk 1100.

BRI entrega souvenir hafoin halo aprejentasaun ba funsionariu Prezidensia Konsellu Ministru iha auditoriu PKM, kinta, (27/4). Foto Tatoli

“BRI investe iha Timor tanba iha akordu entre líder timoroan no Indonézia, tanba BRI nu’udar banku Estadu Indonézia no antes Timor ukun án BRI investe ona iha Timor-Leste, tan ne’e hatene liu nesesidade populasaun Timor”, General Manager BRI, B. Bernandus Nadapdap ba Tatoli iha Auditóriu Prezidénsia Konsellu Ministru, Palásiu Governu, kinta ne’e bainhira halo promosaun BRI ba funsionáriu Palásiu Governu.

Razaun seluk, nia esplika, tanba banku sira seluk ne’ebé investe ona iha Timor, menus fó kréditu ba empreza nível intermediáriu no populasaun ki’ik. Tanba ne’e maka Governu no BCTL (Banco Central de Timor-Leste) sujere ba BRI, investe.

Bernandus informa katak esperansa maka bele hetan resposta di’ak hosi populasaun, nune’e bele garante sustentabilidade tanba BRI la’ós loke de’it iha Dili maibé sei kobre munisípiu 13.

“Etapa primeiru sei loke iha Dili no bainhira populasaun iha Dili nia antusiazmu ba BRI maka’as, neineik-neineik sei loke iha munisípiu sira”, afirma.

Produtu ne’ebé BRI sei oferese maka depózitu (tabungan), kréditu no servisu transferénsia osan.  

Biban ne’e, nia husu ba kliente antigu BRI tempu Indonézia ne’ebé sei rai kadernu depózitu (buku rekening), bele entrega ba atuál BRI iha Timor hodi prosesa.

Jornalista: Xisto Freitas

Editora: Rita Almeida

HUSIK IDA HATÁN