Bamboo Bele Dezemvolve Area Turizmu

0
99
Inagurasaun sentru prosesamentu institutu bamboo no lansamentu website institutu bamboo iha aldéia Hatu-Nau, Kuarta (5/4). Foto TATOLI: Julio da Costa

LIQUISA (TATOLI) – Produsaun bamboo ho nia funsaun barak, bele dezemvolve mos area turizmu iha Timor-Leste.

Ministru Estadu Koordenadór Asuntu Ekonómiku (MEKAE) no Ministru Agrikultura no Peskas (MAP), Estanislau da Silva hateten, bamboo iha potensialidade ne’ebé diak tebes iha futuru ba merkadu rai laran no rai liur.

“Kuda bamboo bele hametin rai, bele halo aikabelak, ba mobiliáriu, hodi dada bee, halo biti, halo uma no buat seluk tan. Bamboo mós bele dezenvolve área turizmu tamba ita bele uza hodi halo artezenatu no ita bele faan iha rai laran no rai liur,” dehan Ministru Estanilau ba jornalista sira iha ambitu inagurasaun sentru prosesamentu institutu bamboo no lansamentu website institutu bamboo iha aldéia Hatu-Nau, Liquisa. Video Inaugurasaun

Governante ne’e dehan, Timor-Leste iha Bamboo ho kualidade diak, uluk wainhira haruka halo teste iha Fransa hatudu katak bamboo isin ne’e diak tebes.

Tuir nia, wainhira halo atividade hanesan, diversifika ekonomia no fó mós empregu ba populasaun ne’ebé moris iha área rurais no fó mós oportunidade ba tos nain sira, alende hetan rendementu husi modo ne’ebé sira iha, hetan mós rendimentu husi bamboo ne’e.

Iha momentu hanesan, halo lansamentu ba website institutu bambuu, nune’e wainhira ema ruma atu     Hare produtu, bele vizita website www.bambooinstitutetimorleste.com.

Jornalista: Julia Chatarina / Editor: Gantry Meilana 

 

HUSIK IDA HATÁN