Autoridade Estadu Queensland Kongratula Prezidenti Eleitu

0
70
Arsivizmu Katedral Brisnabe kongratula Prezidenti Repúblika Eleitu, Dr. Francisco Guterres Lú-Olo iha ANZAC DAY, Austrália. Imajen Mídia CCF

DILI, (TATOLI) – Prezidenti Repúblika eleitu, Francisco Guterres Lú-Olo hetan  kongratulasaun hosi Autoridade Estadu Queensland iha misa loron aniversáriu veteranu Austrália (ANZAC), 25 abril liu-ba, relasiona ho vitória ne’ebé Prezidenti eleitu hetan iha eleisaun prezidensiál.

Autoridade hirak ne’ebé hato’o kongratulasaun maka hanesan Governadór Estadu Queensland, Premier Annastacia Palaszczuk  Queensland, Prokuradór Jerál Austrália ne’ebé reprezenta Primeiru Ministru Austrália, Arsivizmu Katedral Brisnabe  ne’ebé diriji misa ba loron ANZAC no veteranu Austrália sira ne’ebé maioria partisipa iha loron importante ne’e.

“Bainhira tuir misa ba ANZAC DAY, ha’u simu kongratulasaun hosi arsivizmu ne’ebé diriji misa, Primeira Ministra Estadu Queensland, Governadór Queensland, Prokuradór Jerál Austrália, Veteranus  Austrália no Madre sira ne´ebé maka partisipa iha misa ne’e”, haktuir Lú-Olo liuhusi komunikadu ne’ebé TATOLIA simu hosi Mídia Prezidenti Repúblika Eleitu iha sesta ne’e.

Kongratulasaun ne’ebé maka hato’o hosi Autoridade  Austrália, Prezidenti eleitu simu ho orgullu no konsidera hanesan prazer boot ida.

Bainhira misa ramata, Prezidenti eleitu ho delegasaun kontinua tuir marsa parada ne’ebé maka realiza iha sidade Brisbane Austrália ne’ebé sai hanesan pasu finál iha loron ANZAC.

Jornalista: Xisto Freitas

Editora: Rita Almeida

HUSIK IDA HATÁN