Austrália Promete Apoiu Programa Nutrisaun iha Mandatu Lú-Olo

0
72
Serimonia entrega prémiu ba manan nain sira iha Palásiu Prezidensiál, kinta, (27/4). Foto mídia Palásiu Prezidensiál

DILI, (TATOLI) – Adjunta Embaixadora Austrália iha Timor-Leste, Ángela Robinson hateten ninia parte kontinua iha kompromisu atu apoiu finanseiru no tékniku ba programa prémiu nutrisan durante mandantu Prezidente eleitu, Francisco Guterres Lú-Olo.

“Austrália iha kompromisu atu servisu iha Timor-Leste hodi hadi’a nutrisaun no meiu subsisténsia ba inan isin rua, labarik no família sira, ami hein atu servisu hamutuk nafatin ho Prezidente foun ba objetivu ida ne’eʺ, dehan nia durante entrega premiu ba manan nain sira iha Palásiu Prezidensiál Bairopite, kinta (27/4).

Governu Austrália hahú apoiu programa ne’e iha 2013, hatudu rezultadu di’ak konaba hasa’e nutrisaun ba labarik, inan isin rua no família sira.

“Ida ne’e di’ak tebes ha’u rasik kontente tebes bainhira grupu manan nain sira no suku fahe koñesementu ba grupu seluk no re-investe osan ba atividade seluk iha komunidade nia leet hodi hadi’a nutrisaunʺ.

Nia hatutan, hodi governu Austrália nia naran agradese Prezidente sesante, Taur Matan Ruak tanba ínisia programa ne’e.

Diplomata ne’e espera sei dezenvolve di’ak liutan programa nutrisaun iha komunidade nia le’et hodi kombate nutrisaun la-di’ak.

Okaziaun ne’e Xefe Estadu, Taur Matan Ruak agradese mós parseiru sira hanesan Governu Austrália liuhusi ninia emabixada iha Timor-Leste hodi apoiu ona programa hasa’e nutrisaun.

ʺHo apoiu governu Austrália no komunidade Uniaun Eropeia, ita fó prémiu ba sira ne’ebé halo esforsu hadi’a no kombate má nutrisaunʺ, katak. Tuir statístíka populasaun pursenru 50.2 sei infrenta kestaun ne’e.

Jornalista: Agapito dos Santos

Editora: Rita Almeida

HUSIK IDA HATÁN