Atletico Ultramar Kontinua Lidera Grupu B

1
40
Kontra ataka entre jogadór Sporting Clube de Timor (costum (matak) no Atletico Ultramar (costum kinur) iha Estádiu Munisipál Dili, Kinta horsehik. Imajen Mídia LFA

DILI (TATOLI)— Ekipa Atletico Ultramar hosi Munisípiu Manatuto, hametin nafatin pozisaun hodi lidera Grupu B Segunda Divizaun Liga Futeból Amadora (LFA) époka 2017, hafoin iha jogu ba dala haat konsege impata 1-1 kontra Sporting De Timor, ne´ebé maka hala´o iha Estádiu Munisipál Dili, Kinta (06/04/2017).

Ultramar mantein lidera grupu ida ne’e ho pontus 10. Enkuatu, Sporting de Timor, túr iha segunda pozisaun ho pontus 5, hosi jogu 4 mós.

Kapitaun Ultramar, Glasano Trasano hafoin jogu ramata hateten, nia senti triste oituan tanba tenki lakon pontus tolu, maibé iha parte balun kontenti tanba lidera nafatin grupu ida ne’e ho pontus 10.

Iha sorin seluk, treinadór Sporting de Timor, João Fernandes, senti kontenti tanba bele impata no agradese ba esforsu jogadór sira ne´ebé maka konsege halo jogu impata, maske iha primeira parti sofre uluk golu.

Golu ba dala uluk hatama hosi jogadór Atletico Ultramar, Manuel Fernandes iha minutu 44, nomós golu ida hosi Sporting de Timor atribui hosi Domingos Pires iha minutu 62.

Jornalista: Xisto Freitas / Editor: Gantry Meilana

 

1 COMMENT

HUSIK IDA HATÁN