Aderito Hugo Lidera Plenaria IPU

0
144
PPN Aderito Hugo halo intervensaun iha Reniaun IPU

DILI (TATOLI)— Prezidenti Parlamentu Nasionál, Aderito Hugo da Costa maske foin ba dahuluk lidera plenaria iha Inter Parliamentary Union (IPU), maibé nia konsega lidera ho susessu.

“Iha dia 3 dadersan Prezidenti PN pela primeiraves lidera diskusaun situasaun emerjensia iha Afrika no Yamen. Ha’u haree Prezidenti PN lidera planariu ho susesu,” Asesor Defesa no Negósiu Estranjeiru Prezidenti PN, Júlio tómas Pinto, informa ba Agensia TATOLI, via telefone, Tersa (04/04/2017).

Parlementu Nasionál hahú iha 31 Marsu to’o 6 Abril partisipa iha enkontru Regular IPU nia iha Dhaka, Bangladesh.

Delegasaun Parlamentu Nasionál Timor Leste lidera husi Predidente PN, Aderito Hugo da Costa no deputado Duarte Nunes, Aniceto Gueterres, Brigida Coreia, Maria Angelica Rangel, Izilda Pereira no Leonel Marcal inklui funsionariu Parlamentu nian balun.

“Deputado sira partisipa iha enkontru ho topiko diferente purezemplu kona-ba Jender, Seguransa, Direitus Humano. Partisipasaun sira hanesan ne nudar obrigasaun parlamento nian iha area Diplomasia parlamentar,” Ex-Sekretáriu Estadu Defesa ne’e haktuir.

Iha 2 Abril, Prezidenti Parlamento Aderito Hugo da Costa halo intervensaun iha Plenaria hodi esplika kona-ba kombate no implementasaun direitus úmano no dezemvolvimento úmanu.

Nune’e mos iha 3 Abril dadersan Prezidenti PN ba dahuluk lidera diskusaun kona-ba situasaun emerjensia iha nasaun Afrika no Yamen.

Enkontro Inter-Parliamentary Union ne sei ramata iha 5 Abril no sei kontinua fali iha Outubru 2017 iha Rusia.

Jornalista: Manuel Pinto

Editor: Gantry Meilana

 

HUSIK IDA HATÁN