DILI, (TATOLI) – Ministériu Eduksaun (ME) distribui tan “livru ida ba alunu ida” hamutuk 20.741 ba munisípiu 12, seidauk inklui Oe-Cusse, ho polítika atu atinje kualidade profesór, infraestrutura no seluk tan.
“Portantu ita iha dezafiu barak maibé ida por ida ita iha planu para rezolve”, informa Vise-ministru Edukasaun II, Abel da Costa Ximenes ba profisionál komunikasaun sosiál sira iha Ministériu Eduksaun, Vilaverde, segunda (24/4).
Livru sira ne’e la’ós ema mak apoiu maibé imprimi iha sentru imprensaun Komoro no balun iha Porto Editora, Portugal. “Maibé sira la’ós fó de’it, ita sosa”, hatutan.
Materia kompostu husi empreendedorizmu (formasaun ou kapasidade peskiza), língua portugeza, matemátika no seluk tan.
Livru sira ne’e distribui ho kamioneta hitu, Ministériu Edukasaun nian. Maioria sei distribui ba ETV (Eskola Tékniku Vokasionál) hamutuk 29 iha teritóriu Nasaun.
Jornalista: Rafy Belo
Editora: Rita Almeida