DILI, (TATOLI) – Prezidente eleitu, Francisco Guterres Lú-olo hateten ekipa tranzisaun sei hahú hala’o servisu iha Palásiu Prezidensiál Bairopite iha loron 20 fulan-abril 2017.
“Ekipa prontu ona horiseik (17/4), ami hola ona desizaun maibé prezidente atuál hateten, apartir dia 20 foin hahú servisuʺ, dehan Lú-Olo iha Comité Centrál FRETILIN (CCF) Komoro, tersa, (18/4).
Ninia parte sei haruka karta no programa ba Prezidente Repúblika sesante, Taur Matan Ruak molok hahú hala’o servisu.
Membru hosi ekipa tranzisaun besik ema 10 ne’ebé lidera husi Francisco de Vasconcelhos.
Jornalista: Agapito dos Santos
Editora: Rita Almeida
