Tranzisaun Laiha Relevansia Hodi Lidera Nasaun

0
76

DILI, (ANTIL) – Prezidenti Partidu Movimentu Libertasaun Povu Maubere (MLPM) Nelson Martins hatete, tranzisaun laiha relevansia ba tempu agora hodi lidera nasaun, ohin loron mosu ona kompetisasun atu hetan konfiansa.

“Hanesan prezidenti partidu MLPM ami fiar iha esperénsia no kapasidade polítika no lideransa jerasaun foun atu lidera RDTL”, Prezidenti MLPM ba ANTIL iha Ótel Timor, Tersa (7/3).

Mesmu partidu foun, prontu kompete iha eleisaun parlamentár ho prinsípiu orientadór fi’ar ba Maromak, respeita tradisaun no originalidade povu maubere.

“Tan ne’e maka ami konkorda tebes ho idea atu hatama valór kulturál, tradisaun no relijiaun iha sistema polítika”, eis ministru saúde ne’e hatutan. Valór kulturál bele orienta atu servi povu iha era globalizasaun.

Tuir observasaun, polítika ho grupu eskerda, sentru eskerda no direta ou sentru direta, biar fenomena partidu barak,  seidauk iha ideolojia klaru.

MLPM moris ho ideolojia sentru-eskerda, loke dalan atu implementa estratejia dezenvolvimentu ekonomia povu maubere mak investe setór edukasaun no saúde hodi hadi’a kualidade ba área rua ne’e.

Mehi bainhira manan, sei estabelese empresa públika iha área agrikultura no turismu hodi loke kampu servisu ne’ebé dignu ba juventude sira, liu-liu iha áreas rurais.

Jornalista: Manuel Pinto

Editora: Rita Almeida

HUSIK IDA HATÁN