TMR Husu Governu Investe Makas iha Infraestrutura no Ekipamentu ba PNTL

0
86
PR, Taur Matan Ruak kondekora PNTL, iha Aniversariu PNTL ba dal-17, iha Akademia Polisia PNTL, Komoro, Segunda (27/03) Foto: ANTIL Antonio Goncalves

DILI (TATOLI)— Prezidenti da Repúblika, Taur Matan Ruak (TMR) nudar xefi estadu iha nasaun ne’e husu ba governu atu investe makas tan iha infraestrutura no ekipamentu ba instituisaun Polísia Nasionál Timor-Leste (PNTL), inklui valoriza kondisaun servisu Polísia sira nian.

TMR iha nia diskursu selebrasaun aniversariu PNTL ba dala 17, husu atu Polísia hamutuk ho F-FDTL mantein klima seguransa ne’ebé mak hatudu ona iha elisaun prezidensial foin lalais ne’e.

“Ohin iha fatin ida ne’e ha’u hakarak hato’o ha’u nia agradesimentu ba PNTL tanba sentidu dever no disponibilidade makas atu proteje no servi sidadaun sira iha rai Timor, liu-liu esforsu halo aktividade operasional sai makas liu tan, hasa’e kapasidade rekursu umanus, hadia kondisaun servisu, intensifika modelu servisu VIP (Vizibilidade, Involvimento, Profesionál),” Taur Matan Ruak rekuñese iha nia palestra ba seremonia aniversariu PNTL ba dala-17, iha Segunda (27/03/2017), iha Akademia Polísia Nasionál, Comoro, Dili.

Xefi estadu ne’e realsa tan, seguransa nu’udar kestaun ida importante iha estadu Timor-Leste nu’udar direitu fundamental sidadaun sira nian, ne’ebé estadu tenki asegura.

Se la iha seguransa mak sei la iha moris di’ak, la iha seguransa mak la iha Demokrasia. Estadu no governu tenki asegura seguransa.

Hosi parte seguransa nian, sira iha dever atu adopta sira nia an ba realidade no lalaok tuir nesisidade sosiedade nian ne’ebé adapta ba sidadania, modernizasaun no proximidade nu’udar konseitu seguransa interna comun ida iha sosiedade nia laran.

Sidadania tanba ohin loron sidadaun sira partensia ba sidadaun global no globalizada. Oras ne’e dadaun ita infrenta hela problema devisit sidadania katak tempu ba tempu sidadaun sira lakon nia sentimentu partensia ba komunidade ida ne’e ba futuru bele sai kauza prinsipal ba seguransa nasionál.

“Ida ne’e la’ós polísia de’it mak bele rezolve maibé responsabilidade sosiedade nian,” Eis Jeneral F-FDTL ne’e hato’o

iha seremonia aniversariu ne’e, Prezidenti TMR kondekora medalla ba membru PNTL bazeia ba dekreto lei no 11/2017 Prezidensia da Repúblika mak hanesan, Superintendenti Xefi Pedro Belo, Superintendenti xefi José Soares, Superintendenti xefi Afonso dos Santos, Superintendenti xefi José Maria Neto Mok, Superintendenti xefi Armando Monteiro.

Superintendenti Jorge Nelson Amado Monteiro, Superintendenti Lino da Silva Saldanha, Superintendenti Joao Belo dos Resis, Superintendenti Orlando Gomes, Superintendenti, Natersia Eufrasia Soares Martins, Superintendenti Eugenio Perreira, Superintendenti Arnaldo de Jesus Almeida de Castro Araújo, Superintendenti  Damião da Silva Correia, Superintendenti, Justinho de Menezes, Superintendenti Antonino Mauluta, Superintendenti, Marcos Suquira Nunes, Superintendenti Agostinho Gomes da Silva, SuperintendentiInacio dos Santos Saldanha.

Inspector xefi  Mateus da Costa Teixeira, Sarjento xefi Americo Costa, Sarjento Xef Alberto Gusmão, Primeiru Sarjento Duarte Ximenes, Sargento Carlos Miguel, Sargento Matias Pinto, Sargento Sesar Gouveia Lopes, Ajenti-Xefi, Antero da Costa, Agusto Soares, Ines Mendonca ho Salvador Mendonca Correia.

“Ami sente Orgullu tanba durante ami servisu, komandu jeral halo duni evaluasaun ba ami nia servisu hodi nune’e ami hetan kondekorasaun,” Komandante PNTL Munisipiu Lautem, Marcos Suquira Nunes haktuir.

Jornalista: Manuel Pinto / Editor: Gantry Meilana

 

HUSIK IDA HATÁN