TL Seidauk Iha Produtu Mak Rejistu Iha UNESCO Hanesan Direitu Patente

0
44
Workshop konaba implementasaun rejistu patrimoniu imateriál (TAIS) iha Centru Convensaun Díli (CCD), Segunda (27/03). Foto Agencia TATOLI: Julia Chatarina

DILI (TATOLI) – Diretora Ezekutiva Timor Aid, Angelina Sarmento iha Segunda (27/3), dehan Timor-Leste seidauk lori produtu ida ba rejistu iha UNESCO, atu bele sai hanesan direitu patente ne’ebé ita bele reklama katak estadu nian, .

“Laloran ne’e mak to’o agora ida seidauk lori produtu ida ba rejistu, atu bele sai hanesan Timor-Leste nia direitu patente ne’ebé ita bele reklama katak ida ne’e estadu nian”, tenik iha Sentru Konvensaun Díli (CCD-Centro Convenção Díli).

Durante ne’e, tuir Angelina, preukupasaun no objektivu ida, oinsa mak rikeza nasaun no estadu nian atu bele hetan atensaun no proteje.

“Prekupasaun ida ne’e mak ami halo enkontru ida iha fulan Janéiru, no ami hare katak ita preciza bok an lalais ituan, tamba sé ita la bok an, ita nia patrimóniu hanesan tais iha ameasa nia laran, tamba ita sidauk bele hetan rekonhesimentu husi UNESCO ne’ebé mak babain país sira iha produtu importante ne’ebé simboliza nasaun ida nia entidade, ne’e UNESCO mak fó rekonhesimentu.”, afirma.

Papél importante ida mak atu koordena servisu ne’e ho ministériu relevante ne’ebé tutela ba servisu prezervasaun ou salvasaun patrimóniu kultural imateriál.

Komisaun Nasionál UNESCO hanesan orgaun indiretu ida husi ministériu edukasaun (ME), ne’ebé indiretamente hala’o servisu sira mak liga ba mandatu UNESCO iha área edukasaun, kultura, siensa no komunikasaun.

Angelina Sarmento informa, Sekretaria Estadu Arte Kultura (SEAK) halo ona levantamentu ba tais husi munisípiu 5 ne’ebé mak durante ne’e organiza ho komunidade sira atu identifika lolos tais husi munisípiu 5 ne’e nia motif, desain, prosesu.

Ministériu  Komérsiu Industria no Ambiente (MKIA), servisu hamutuk ho sorunain sira, hodi bele promove industria kiik atu nune bele aumenta reseitas ba família nomós ba estadu.

“Wainhira ita rejista iha UNESCO, .bele hakat ba faze ne’ebé bot liu, tamba wainhira ita salvaguarda no tais ne’e hetan ona konhesimentu, nia bele estimula ekonomia ne’ebé bot liu iha ita nia rai”, katak. (Jornalista: Julia Chatarina/Editor : ALberto Alves)

HUSIK IDA HATÁN