Timor-Leste Sei Falta Pre-Eskolár

0
34

DILI, (ANTIL) – Komisaria Komisaun Nasionál ba Direitu Labarik, Maria Gorumali Barreto hatete, Timor-Leste sei falta pre-eskolár ba labarik sira ho tinan 3 ba tinan 5.

Komisaria Komisaun Nasionál ba Direitu Labarik, Maria Gorumali Barreto.
Komisaria Komisaun Nasionál ba Direitu Labarik, Maria Gorumali Barreto.

”Tuir loloos governu labele abandona labarik hosi tinan tolu ba tinan lima tanba, hosi tinan ne’e sira nian prosesu dezenvolvimentu la’o maka’as,” dehan nia ba ANTIL foin lalais ne’e iha ninia servisu fatin Ministériu Justisa, Kaikoli.

Kuandu labarik sira ne’e iha liur, tuir nia observasaun, sira sei aprende buat negativu hanesan tolok, violénsia nomos inan aman aproveita haruka sira halo servisu, entaun inisiativa atu aprende komesa menus ona tanba mai ona ho mentalidade servisu.

Tanba ne’e, momentu espesiál kampaña hosi kandidatu sira atu foka mos ba kestaun pre-eskolár nomos direitu ba labarik sira.

Tuir relatóriu United Nations International Children’s Emergency Fund (UNICEF) iha 2016 hatudu, labarik sira ne’ebé asesu ba pre-eskolár hamutuk pursentu 14 de’it.

jornalista: Rita Almeida / Editor: Gantry Meilana

HUSIK IDA HATÁN