Timor-Leste Hato’o Solidaridade Ba Reinu Unidu

0
64
Republika Demokratika Timor-Leste. Foto Espesiál

DILI, (TATOLI) – Governu Timor-Leste hato’o ninia solidariedade ba governante, vítima no povu Reinu Unido, relasiona ho atake terorizmu ne’ebé akontese iha Londres.

Asaun solidaridade ne’e, derije ba Primeira Ministra, Theresa May. “Ami laran triste hanoin populasaun Londres no-mós sira hotu ne’ebé sai vítima ba akontesimentu traumátiku ida-ne’e. Imi iha ami-nia hanoin no orasaun”, Xefe Governu Timor Leste, Rui Maria de Araújo hatete iha karta komunikadu ne’ebé Tatoli asesu, ohin.

Nasaun ne’e hamutuk ho komunidade internasionál kondena asaun kriminozu, nomós fó louvór ba pesoál médiku no seguransa, tanba trata kedas tempu defisil ne’e.

Primeira-Ministra Reinu Unidu, Theresa May, Timor-Leste no nasaun seluk kondena asaun kriminozu ne’ebé akontese iha Reinu Unidu, no fó louvór ba pesoál médiku no seguransa tomak ne’ebé hatán kedas ba tempu difísil ne’e.

Jornalista: Julia Chatarina

Editora: Rita Almeida

HUSIK IDA HATÁN