Tempu Badak, Médiku Espesialista Hetan Rejime Xamada

0
171
Klarifikasaun hosi Diretór Ezekutivu ÓNGV, José Antonio Gusmão ho Dirijente sira ba jornalista sira liuhosi konferénsia imprensa hodi klarifika difamasaun hosi mediku balun ne'ebe publika iha facebook. Foto ANTIL/Zezito Silva

Dili (TATOLI) – Rejime xamada ba médiku espesialista sei simu iha tempu badak tanba konsellu óspital ajuda halo ona relatóriu kompletu hodi submete ba funsaun públika, dadaun ne’e, aprovadu ona no dokumentu sira ne’e iha ona payroll.

“Atu halo pagamentu, funsaun públika iha rekejitu, iha ordem servisu, iha orariu, iha relatóriu servisu atu komprova, nune’e sira bele hetan lalais rejime samada, maibé la priénse kritéiru administrativu, pagamentu seidauk la’o,” informa Diretór Ezekutivu ÓNGV, José Antonio Gusmão ba jornalista sira liuhosi konferénsia imprensa iha Óspital, hodi hatan informasaun ne’ebé fo sai hosi facebook.

Tuir Diretór Ezekutivu, médiku espesialista de’it mak seidauk simu rejime samada iha 2015-2016-2017 (Rejime samada ne’e pursentu ruanolu) tanba espesialista sira seidauk priénse rekerimetu ne’ebé nesesita atu halo pagamentu. Ba oin médiku sira tenke koopera hodi hatama relatóriu, hatama orariu atu ita bele prosesa ativamente.

Entretantu, sasaun ba médiku ne’e, Diretór Ezekutivu hateten, administrativamente instituisaun ida koalia ba malu liuhosi irarkia ne’ebé iha. Ita fo samada atu labele halo tan maibé ida ne’e involve asuntu seriu tanba iha alegasaun entaun bele loke investigasaun. Dadaun ne’e halo hela investigasaun atu haree karik iha duni korupsaun iha óspital, mal administrasaun, mal jestaun no sira seluk tan.

Sé akontese duni hanesan ne’e, dirijente rasik mak halo rejignasaun no kumpre sansaun wainhira ba tribunál hodi hetan julgamentu. Kuandu laiha evidénsia, entaun autór ne’ebé halo alegasaun mós prontu simu konsekuensia sira ne’e.

Jornalista: Zezito Silva/ Editor: Gantry Meilana

 

HUSIK IDA HATÁN