Taxista Sira Presiza Formasaun

0
65
Foto Google

DILI, (TATOLI) – Diretór Nasionál Planeamentu Dezenvolvimentu Turíztiku (DNPDT), Edson Robert Noronha Lopes, dehan, hasa’e kapasidade la’ós signifika ladiak maibé tenke hasa’e koñesementu para sai di’ak liu-tan.

“Ita tenke hasae kapasitasaun taxista, para sira bele hadi’a sira nia koñesementu, la’ós signifika taxista sira laiha kapasidade maibé ita presiza hadi’a”, tenik ba jornalista sira iha Sentru Konvensaun Dili, Kinta, (23/3).

Matéria ne’ebé taxista sira sei hetan ohin loron mak étika profesionál, tanba presiza étika, nune’e passajeiru sente konfortavél.

Informasaun barak hosi turizta, bainhira iha aeropotu, hahalok balun mak tenke hasae kapasidade, la’ós signifika ida ne’e la-di’ak, maibé aumenta koñesementu para sai di’ak liutan.

“Tenke sosializa bebeik para sira mos bele hatene oinsá atendimentu ne’ebé mak di’ak”, katak.

MTAk sei sosializa di’ak liu tan iha futuru, saida mak akontese, labele akontese tan. “Kondisaun taxista sira, ami presiza kolabora hamutuk ho ministériu relevante hanesan DNTT, polísia tránzitu sira, para ita bele haree sira nia kondisaun, ita labele obriga sira halo buat ida maibé ita laiha kondisaun ne’ebé mak di’ak atu oferese ba sira”.

Iha fatin hanesan, Adjuntu Departementu Tránzitu Seguransa Rodaviaria Nasionál, Valente Soares da Silva dehan, taxista sira tenke iha konsiénsia atu tuir formasaun.

Nia dehan, oinsá halo tratamentu, nune’e movimentu kareta ho seguru, labele iha engarafamentu, pior liutan hetan asidente. “Nune’e mak ami tur hamutuk hodi hanoin”.

Komunidade sira balun kestiona oinsá taxista sira halo atendimentu tanba balun laiha étika, hatais mos ladun di’ak, no la-tau farda, katak tan.

Nia informa, bainhira halo cek point ba reben (vidru metan), balun razaun dehan satan raimanas menus, maibé parte seluk la admite, tanba bele hamosu krime.

Jornalista: Julia Chatarina

Editora: Rita Almeida

HUSIK IDA HATÁN