SERVE Sei Sai Úniku Instituisaun ba Atendimentu Lisensa Emprezariál

0
57
Foto SERVE.

DILI, (TATOLI)- Dekretu lei númeru 35/2012, kona-ba Servisu Rejistu no Verifikasaun Emprezariál (SERVE) revoga ona hosi enkontru Konsellu Ministru, iha 17 Janeiru 2017 hodi troka fali dekretu lei foun nian ne’ebé sei haforte servisu SERVE nian hodi sai fatin úniku ba atendimentu lisensa no verifikasaun emprezariál nian.

Tuir informasaun, Dekretu Lei foun konaba ida ne’e, promulga ona husi Prezidente Repúblika, sei publika  iha jonál repúblika, semana ne’e.

Dekretu-lei ne’e propoin husi Ministru Estadu, Koordenadór Asuntu Ekonómiku sira no Ministru Agrikultura no Peska, Estanislau da Silva. Governu klarifika natureza jurídika SERVE nian hanesan institutu públiku no hodi halo institutu ne’e sai hanesan fatin atendimentu úniku ida ne’ebé di’ak hodi hala’o servisu hotu-hotu ne’ebé nesesáriu ba promosaun ambiente ida ne’ebé di’ak ba investidór sira no ezerse tomak funsaun rejistu komersiál nian sira.

Diretór Ezekutivu SERVE, Florêncio Sanches hatete, dekretu foun ne’e aumenta kompeténsia no SERVE sei mai ho nia estrutura no estatutu rasik.

“Ida ne’e sei loke dalan primeira vez Timor-Leste fó dalan ba SERVE atu halo rejistu eletróniku katak ema bele tuur iha nia uma no lalika mai. Ida fali mós SERVE tenke loke nia sukursál iha territóriu tomak,” dehan Florêncio ba TATOLI foin lalais ne’e, iha Matadouru, Dili.

Aleinde ne’e, Dekretu Lei kona-ba rejistu komersiál ne’ebé foin aprova iha 14 Marsu 2017 ne’ebé fó kompeténsia atu halo rejistu, nomós ikus mak lisensa komersiál ne’ebé mak sei aprova iha fulan-Maiu.

Jornalista: Maria Auxiliadora / Editor: Gantry Meilana

HUSIK IDA HATÁN