Semana Oin, MNEK Sei Distribui Konvite ba Bainaka Espesiál

0
149
Ministru Negosiu Estranjeiru no Koperasaun, Hernani Coelho. Foto dokumentasaun Tatoli

DILI, (TATOLI) – Ministru Negosiu Estrangeiru no Koperasaun (MNEK), Hernani Coelho hateten, sei distribui konvite ba bainaka espesiál husi nasaun sira iha rai liur hodi partisipa seremonia tomada pose ba Prezidente eleitu periodu 2017 to’o 2022, Francisco Guterres Lú-Olo.

Xefe Estadu foun sei simu pose iha loron 19 Maiu 2017, oras 24.00 iha Tasitolu. “Oras ne’e iha ona lista preliminariu no ami hein katak Segunda (3/4) ami bele hetan ona lista finál para bele fó sai ona”, Ministru ba jornalista sira iha Ótel Timor, Sesta, (31/3).

Maske iha ona lista preliminariu, governante ne’e lakohi temi bainaka espesiál, tantu xefe estadu no membru governu hosi nasaun seluk ne’ebé sei marka prejensa.

Ho kondisaun ótel iha kapitál la-sufisiente, tanba ne’e sei konvida bainaka sira bazeia ba kondisaun atuál.

Lista preliminariu prepara husi parte MNEK ho ekipa Prezidente eleitu.

Jornalista: Agapito dos Santos

Editora: Rita Almeida

HUSIK IDA HATÁN