KI Observa, Porsaun Kandidatu Prezidenti hosi Independenti Menus iha Publikasaun Midia

0
45
Prezidente Konsellu Imprensa(KI), Virgilio Guterres ho nia Konseleiru sira halo konferensia imprensa iha Salaun KI, Segunda (27/3) kona-ba rezultadu monitorizasaun produtu jornalístiku durante eleisaun prezidensiál. Foto ANTIL/Zezito Silva

Dili, (TATOLI) – Durante prosesu kampaña eleisaun prezidensiál, Konsellu Imprensa observa katak orgaun komunikasaun sosial sira iha Timor-Leste ladun fo porsaun diak ba kandidatu prezidenti hosi independenti nian.

Liu hosi konferensia imprensa, Prezidente Konsellu Imprensa (KI), Virgilio Guterres liuhosi konferensia imprensa iha Salaun KI, Segunda (27/03/2017), hateten, mídia sira nia kobertura durante eleisaun prezidensiál fo porsaun boot liu ba kampaña kandidatu sira ne’ebé hetan apoiu partidaria ho rekursu boot atu halo mobilizasaun masa duké kandidatu sira hosi independente.

“Kandidatu Lu-Olo hosi FRETILIN ho Kalohan hosi Partidu Demokrátiku hetan porsaun boot tanba apoiu hosi partidu no figura polítiku boot balun,” Prezidente KI dehan.

Konsellu Imprensa nota, durante kampaña, maioria orgaun komunikasaun sosiál la hatun notísia kona-ba susbstánsia materia kampaña hosi kandidatu sira.

Maske nune’e, Konsellu Imprensa apresia mídia liu-liu estasaun Televizaun Edukasaun hamosu “D’Challenges” hodi tulun votante sira no publiku hodi entende substansia materia kampaña kandidatu ida-idak.

Jornalista: Zezito Silva / Editor: Gantry Meilana

HUSIK IDA HATÁN