PR Sujere Hanorin Lian Ofisiál La’ós Materna

0
149
Foto Google

DILI, (TATOLI) – Prezidente Repúblika, Taur Matan Ruak, sujere, utiliza lian ofisiál Tetum no Portugés iha prosesu aprendizajen hodi kompete ho nasaun seluk, la’ós Materna.

”Sekúlu 21 ita hanorin oan sira ho galolen, mambae, kemak no seluk tan depois kompete ho Indonèsia ho Singapuraʺ, Xefe Estadu hatete durante abertura ba terseiru  konferènsia nasionál ba edukasaun ho tema edukasaun no pilár konsolidasaun ba identidade nasionál ne’ebè hala’o iha salaun Delta Nova, Kuarta (22/3).

Tuir nia observasaun, projetu pilotu hosi Ajènsia Internasionál UNESCO ne’e sei impede dezenvolvimentu setór edukasaun hodi prodús rekursu ùmanu iha rai laran.

Prezidente Repúblika esklarese,  la’ós kontra lian Materna maibè la’òs tempu atu hanorin estudante ensinu bazikú ne’ebè implementa iha munisìpiu Manatuto, Lautem, Rejiaun Autonomo Oe-Cusse no seluk tan.

Preokupasaun neé, Ministru Edukasaun, António da Conceição rekoñese, formasaun rekursu úmanu, utilizasaun lian no orsamentu hanesan fatór importante atu dezenvolve setór edukasaun.

”Ita ko’alia kona-ba kualidade edukasaun sei ligadu hela ho problema ne’ebé Prezidente Repúblika  preokupaʺ, dehan.

Polítika ME sei kontinua la’o tuir konstituisaun atu uza lian ofisiál Portugés no Tetum iha prosesu aprendizajen, Inglés no Indonézia nu’udar lian servisu.

ʺLingua materna hanesan projetu pilotu tanba ne’e ha’u dehan ona la-investe osan ba edukasaun ida informal (lingua materna),ʺ katak Kalohan.

Jornalista: Agapito dos Santos

Editora: Rita Almeida

HUSIK IDA HATÁN