PR  Eleitu Sei Simu Pose iha Tasitolu

0
256
Ministru Administrasaun Estatal, Dionísio Babo partisipa seminar ida iha Ótel Timor, Sesta, (31/3). Foto mídia MECAAEJ

DILI, (TATOLI) – Ministru Estadu no Kordenador ba Asuntu Administrasaun Estadu no Justisa, nomos Ministru Administrasaun Estatál (MECAAEJ), Dionísio Babo informa, Prezidente Repúblika eleitu, Francisco Guterres Lú-Olo sei simu tomada pose iha loron 19 Maiu kalan iha Tasitolu, Dili.

“Ita sei konsentra hotu serimonia solene no isár bandeira 20 maiu sei hala’o hamutuk iha loron 19 maiu kalan, tuku 24:00”, governante ne’e ba jornalista sira iha Otél Timor, Sesta, (31/3).

Xefe Komisaun Organizadór hateten, oras ne’e hala’o ona preparasaun fatin ba seremonia no seluk tan kuaze atinji ona pursentu 60.

“Ita sei koordena ho parte hotu, liliu seguransa no komunidade atu selebra festa ne’e hanesan festa povu nian”, realsa.

Orsamentu ba preparasaun ne’e responsabiliza husi MAE, maske seidauk define totál orsamentu. “Iha osan oituan de’it, maibé bainhira la to’o ami sei husu ba governu hodi apoiu”, tenik.

Komisaun preparasaun ne’e kompostu husi MAE, Gabinete Prezidente Repúblika, Prezidente eleitu no seluk tan.

Jornalista: Agapito dos Santos

Editora: Rita Almeida

HUSIK IDA HATÁN