PR Diak ! Lu-Olo Ses Hosi FRETILIN-CNRT

0
2669
Eng. Mario Viegas Carrascalao

DILI (TATOLI)—Fundadór Partidu Sosiál Demokratiko (PSD) Eng. Mario Viegas Carrascalao husu ba Francisco Guterres Lú-Olo atu iha korajen haketak án hosi Partidu FRETILIN no CNRT ne’ebé lori nia sai nu’udar Prezidenti da Repúblika ba periudo 2017-2022.

“Ha’u opiniaun: Lú-Olo bele sai Prezidenti Repúblika (PR) ida ke di’ak ba Timor-Leste karik nia (Lú-Olo) iha korajen atu ses an hosi partido rua (CNRT-FRETILIN) ne’ebé apoia nia kandidatura,” Eis membru Asembleia konstituante ne’e hato’o liuhosi Anjensia Noticiosa TATOLI.tl, iha Terra Santa, Komoro, Kinta (23/03).

Eis Vice Primeiru Ministru Asunto Administrasaun salienta, Lú-Olo bele sai PR diak ba Timor Leste bainhira iha korajen haketak-an hosi partido ne’ebé apoia nia kandidatura no diside án nu’udar ema independente, biar difisil.

Lú-Olo hafahe-an hosi partidu FRETILIN ho CNRT tanba Partidu sira ne’e apoiu Lú-Olo ho ida-idak nia rasaun, maibé kualker rajaun ne’ebé mak iha Carrascalao observa katak, sei bele kompleta de’it domino polítiku iha Timor-Leste no trava aktual Prezidenti da Repúblika Taur Matan Ruak nia esforsu atu kombate korrupsaun iha tempu oin karik nia (Taur) hetan apoio atu bele sai Primeiru-Ministru.

Partidu Demokratiko (PD) sei hetan vitoria iha futuru, indikador mak Sekretáriu Jerál PD António da Conceição “Kalohan” foin mak mosu iha palku polítika nia hetan kedan votu 32% hosi rezultadu elisaun Prezidensial liu ba dadaun.

Ho rezultadu ne’e fó indikasaun katak bainhira Lú-Olo hetan de’it apoia hosi FRETILIN ou CNRT de’it, Lú-Olo sei la eleito hanesan Prezidenti da Repúblika hodi troka Taur Matan Ruak.

Biar nune’e, Indikasaun positivu hosi prosesu demokratizasaun iha elisaun Prezidensial ne’ebé liu ona hatudu Timor-Leste komunga duni sistema multi partidariu, tanba ne’e iha eleisaun legislativas tuir mai sei la iha partidu ida mak manan maioria absoluta.

Posibilidade ne’ebé bele akontese iha elisaun lejislativa partidu ki’ik seluk-seluk bele halo koligasaun atu evita mosu manipulasaun politika ne’ebé akontese daun-daun iha Parlamentu Nasionál ho sistema konsensus.

CNRT

Partidu CNRT moris ho lema ida katak Fi’ar An la’o ba Oin, lideradu hosi Kay Rala Xanana Gusmão (Aktual Ministru Planiamento investimento estratejiko) ne’ebé komunga prinsipiu Libertasaun Povu nu’udar Visaun Partido CNRT nian.

CNRT mós iha nia polítika atu alkansa mehi liberta povu ka’er metin ba objektivo Defende interese nasionál tomak, liu in­terese Partidu nian. Reforsa ho konsolida Unidade Nasionál, atu garante Paz iha Paíz laran. Promove populasaun hotu nia bem-estár, hodi dezenvolve espíritu umanista hanesan solidariedade ho kooperasaun; Garante liberdade individuál, bazeia ba valór étiku, morál no hari’i iha Estadu Di­reitu Demokrátiku laran, liu hosi edukasaun sívika, polítika ba seidadaun sira hotu.

FRETILIN

Partidu FRETILIN, nu’udar partidu ístoriku ne’ebé moris iha loron 20 Maio 1974 ho objektivu defende direitu autodeterminasaun Timor-Leste Independensia.

Ohin loron FRETILIN hamrik nu’udar partidu ho misaun, komnsilidada independensia, soberania e a paz iha país Timor-Leste.Garantia unidade nasionál, liberdade individual no harmonia social no Promove e defende Estado de Direito Democrático nune’e mós Mobiliza e organiza povo hodi combate kia’ak pobreza nudar kauza nasionál.

FRETILIN nia lideransa mak Francisco Guterres Lú-Olo, nu’udar Prezidenti Partidu. Mari Alkatiri hanesan sekretáriu jerál. (Jornalista : Manuel Pinto)

 

 

HUSIK IDA HATÁN