Nagardjo Kontinua Lidera Grupu

0
43
Kontra ataka entre jogadór Nagardjo FC (costum azúl) no Café FC (costum mean) iha Estádiu Municipál Dili, Tersa horsehik. Imajen Mídia LFA

DILI (TATOLI)—Ekipa Nagardjo FC hatudu nia ezisténsia ho di´ak hodi lidera nafatin Grupu A, hafoin manán 3-2 hasoru Café FC hosi Munisípiu Ermera iha jogu datoluk. Jogu ne’e Segunda Divisaun Liga Futeból Amadora (LFA) epoka 2017, ne´ebé maka hala´o iha Estadiu Municipál Dili, Tersa horseik.

Golu tolu hosi Nagardjo FC hatama hosi jogadór Abrão Mendonça iha minutu 36, Ezequiel Moniz 7 no Abrão do Carmo 87. Golu rua seluk hosi ekipa Café hatama hosi jogadór Liborio Pereira iha minutu 13 no 47.

Ho rezultadu ida ne’e maka Nagardjo FC lidera Grupu A ho pontus 7, hosi jogu tolu ne´ebé maka hala´o neduni hametin liu-tan pozisaun ekipa refere atu bele sai kandidatu forti hodi avansa ba Primeira Divizaun époka 2018.

Entretantu, Café FC rasik nafatin okupa pozisaun 5, ka zona mean (degradasaun) tanba seidauk konsegue hetan pontus durante jogu kontra FC Santa Cruz to´o agora. (Jornalista: Xisto Freitas/Editor : Alberto Alves)

HUSIK IDA HATÁN