Munisípiu Aileu Laprodús Tais

0
129
Tais Timor-Leste/Foto Claudio Savaget.

DILI, (TATOLI) – Tuir peskisa ne’ebé hala’o husi PT. Archa Indonesia deskobre katak munisípiu Aileu laprodús tais ou laiha soru-na’in, mesmu kada munisípiu iha nia tais ho karater ne’ebé diferente husi ida ba ida no iha soru-na’in ne’ebé barak.

Tais Timór hanesan identidade nasionál, tuir Diretora PT. Archa Indonesia, Anjar Budiyani, ekipa peskiza bainhira halo estudu iha Aileu no buka sentru sira ne’ebé halo direta tais  to’o tama  área rurál laiha soru-na’in maibé reprezentasaun tais iha fatin ne’e rasik Archa lahalo estudu kulturál ida.

“Sentru tais iha Aileu laiha, informasaun ne’ebé ami hetan husi populasaun ne’ebá katak lulik ba sosiedade atu soru-tais, to’o ami halo kapasitasaun iha ne’e (Dili), iha partisipante husi Aileu maibé sira laiha abilidade atu soru-tais tanba iha sira-nia fatin lasoru-tais no ami halo konfrimasaun katak karik ida ne’e nia mesak ou kuaze ema hotu. Ami fila bá (Aileu) maibé ne’ebé laiha duni sentru tais hanesan iha munisípiu seluk”, Anjar relata iha Novo Turismo, horisehik.

Diretór Jerál Indústria no Kooperativa, Ministériu Komérsiu, Indústria no Ambiente (MKIA), António da Costa hatete, versaun ne’ebé Archa hato’o halai liubá tais kontenporáneu ne’ebé liga ba negósiu maibé diferente ho peskiza ne’ebé halo husi Sekretária Estadu Arte no Kultura sobre kultura tais uma-kain nian iha.

“Tanba haree ba grupu ne’ebé laprodús tais nune’e nia diferensa iha ne’e”, katak.

Diretór Nasionál Patrimóniu Kulturá, Manuel Ximenes Smith hatutan, Arte no Kultura halo peskiza tinan barak ona no ko’alia istória husi bei’ala sira, husi parte Mambae ne’ebé liga husi Ermera, Aileu, Maubise, Ainaru sorin balun no Same sorin laprodús tais.

“Husi bei’ala sira tais metan husi Marobo ukun husi Marobo mai Atsabe, Ermera mai Aileu, ne’ebé ema Aileu rasik, Maubise, ita lasoru tais. Peskiza ida ne’e, husi avó ba avó ema lasoru-tais, ita só hetan ukun husi tais metan ne’e mak husi Marobo”, Manuel esklarese.

Jornalista: Maria Auxiliadora

Editora: Rita Almeida

HUSIK IDA HATÁN