MOPTK Kuda Ai Oan  Rihun Tolu iha Bekora

0
67
ai-oan kakeu. Foto espesiál

DILI, (TATOLI) – Ministériu Obrás Públikas Transporte no Komunikasaun (MOPTK), liuhusi Diresaun Nasionál Agua no Saniamentu, Kinta, (23/3) hamutuk ho komunidade suku Bekora kuda ai-oan rihun tolu iha area Benamauk.

Ai-oan saria no kakeu oferese hosi Ministériu Agrikultura no Peskas (MAP). “Kuda ai-horis hodi proteje bee matan ne’ebé ameasa atu maran”, Primeiru Vise MOPTK, Januario Pereira ba Tatoli bainhira selebra loron mundiál bee iha suku Tibar, munisípiu Liquisa, Sesta, (24/3).

Bee matan barak maka ameasa maran hafoin tinan kotuk akontese problema bai-loron naruk (elnino) ne’ebé akontese iha parte kosta sul.

“Tanba ne’e sidadaun hotu tenke kontribui kuda ai-horis hodi proteje meiu-ambiente, liliu bee mos”, tenik.

Governante ne’e husu ba autoridade lokál no komunidade atu tau atensaun ba ai-horis hirak ne’e.

Jornalista: Agapito dos Santos

Editora: Rita Almeida

HUSIK IDA HATÁN