MKIA Aprezenta Dekretu Lei Rejime Protesaun no Biodiversidade ba KM

0
44
Ministru Komérsiu, Indústria no Ambiente (MKIA), Constâncio Pinto. Foto, TATOLI/Egas Cristovão.

DILI, (TATOLI)- Ministeriu Komérsiu, Indústria no Ambiente (MKIA) iha inkontru Konsellu Ministru, Tersa (28/03/2017) dadersan, aprezenta Dekretu Lei rejime Protesaun no Konservasaun ba Biodiversidade hodi deskute.

Aprezentasaun dekretu lei ne’e hato’o hosi Ministru MKIA, Constâncio Pinto hateten, lei biodiversidade ne’e prepara kleur tiha ona dezde V Governu Konstitusionál. MKIA tenta servisu hamutuk ho Ministériu Agrikultura no Peska no Ministru Estadu Koordenadór Asuntu Ekonómiku (MEKAE) para kompleta tiha lei ne’e hodi lori ba Konsellu Ministru atu aprova.

“Ita tenke proteje ita-nia ai-oan sira, animál fuik sira ne’ebé iha tanba durante prosesu tomak nia laran espésie balun lakon, no balun ita foin deskobre tan animál foun,” dehan Ministru Constâncio ba TATOLI iha Palácio do Governo, Dili.

Ministru ne’e espera lei ne’ebé tama iha ajenda reuniaun Konsellu Ministru nian iha parte datoluk ne’e bele diskute no Governu aprova atubele tama iha vigór.

Jornalista: Maria Auxiliadora / Editor: Gantry Meilana

HUSIK IDA HATÁN