Ministériu Finansas Fo Prioridade ba Pagamentu Urjente

0
108
Foto / SAPO TL

Dili, (Tatoli) – Ministériu Finansas (MF) liuhosi Diretora Nasionál Deskonsentrasaun Finanseira, Lidia Sousa Guterres informa, iha eleisaun prezidensiál no parlamentár, Ministériu Finansas fo prioridade atu halo pagamentu ba programa urjente sira.

“Ami tau prioridade ba eleisaun prezidensiál no lejislativa, relasiona ho brigadista sira nia pagamentu, ministériu finansas prontu nafatin atende kualker momentu maibé ami presiza dokumentu ne’ebé kompletu” hateten, Diretora Nasionál Deskonsentrasaun Finanseira, Lidia Sousa Guterres ba Agência Noticiosa Tatoli iha Timor-Plaza, Kinta, (30/3)

Diretora haktuir, ministériu Administasaun Estatál hatama ona dokumentu mai iha ministériu finansas maibé, ami fo fila ba Aprovizionamentu Estatál tanba dokumentu la kompletu iha brigada sira nia kontratu.

Entretantu, Vise-Ministru Administrasaun Estatál, Tomás do Rosario Cabral dehan, brigadista hosi munisípiu Dili hamutuk 65 ne’ebé ladauk hetan pagamentu, responsabilidade hosi Sekretariadu Tékniku Administrasaun Eleitorál (STAE).

Ministériu Administrasaun Estatál laiha responsabilidade tanba orsamentu iha dotasaun governu, tanba Estatál halo jestaun de’it maibé implementa hosi STAE.

Wainhira Agência Noticiosa konfirma kestaun ne’e ho Diretór Jerál, Sekretariadu Tékniku Administrasaun Eleitorál (STAE), Acilino Manuel Branco nia konfirma dehan dokumentu kompletu hotu ona neduni husu baAgência halo konfirmasaun ho finansas. (Jornalista : Zezito Silva/Editor: Alberto Alves)

HUSIK IDA HATÁN