DÍLI,(TATOLI)-Diretór Ezekutivo Mercy Corps Robert D. Newell hateten, Ajensia Internasionál ne’e sei kontinua apoia prosesu dezenvolvimentu setór seguransa aihan, nutrisaun no agrikultura.
“Ami diskuti konaba apoiu husi Ajénsia Mercy Córps ba dezenvolvimentu Timor Leste, partikularmente iha aréa seguransa aihan, nutrisaun no agrikultura”informa Robert D. Newell hafoin hasoru malu ho Primeiru Ministru Rui Maria de Araujo iha Palasiu Governu, Kuarta (29/03).
Responsavel Ajénsia ne’e realsa, Primeiru Ministru apresia ho programa ne’e no husu atu kontinua implementa ba apoiu prosesu dezenvolvimentu.
Tuir Robert Newell, programa hirak ne’e gasta ona osan milloens 16 hafoin hahú implementa husi 2015 to’o 2017.
Programa hirak ne’e implementa iha munisipiu 9 mak hanesan: Ainaro, Manufahi, Covalima no seluk tan.(Jornalista : Agapito dos Santos/ Editor : Alberto Alves).
