Lisensiamentu Komersiál Sei Emite De’it Hosi SERVE

0
68

DILI (TATOLI) – Lisensiamentu Komersiál ne’ebe hasai hosi Ministeriu Komersiu, Industria no Ambiente (MKIA) ho Servisu Servisu Rejistu no Verifikasaun Emprezariál (SERVE), hatudu imajen ne’ebé ladi’ak ba investidór sira ne’ebe hakarak investe iha Timor-Leste. 

Diretór Ezekutivu  Florêncio Sanches hatete, sé estadu ida mak iha lisensa rua, loloos labele akontese, tanba ne’e tama iha Maiu tinan ne’e sertifikadu kona-ba lisensa nian sei iha ida de’it ona.

“Ida ne’ebé emite husi MCIA no SERVE sei tau ba kotuk no mai ho foun ne’ebé ha’u aprezenta tiha ona ba Konsellu Ministru atubele evita tan buat ida lafiar malu iha territóriu tomak. Tanba ema rai-liur hatete ha’u bá más kaer sertifikadu ida ne’ebé, ida ne’e ladi’ak,” dehan Florêncio ba TATOLI foin lalais ne’e, iha Matadouru, Dili.

Nune’e, tama iha Maiu, Dekretu Lei kona-ba Lisensiamentu Komersiál hetan aprova ona husi Konsellu Ministru, Diretór Ezekutivu ne’e espera buat hotu la’o loos ona no lisensiamentu iha Timor-Leste ida de’it ona no la’ós ona rua katak husi parte SERVER  de’it mak bele fó.

Daudaun ne’e, Ministériu Komérsiu Indústria no Ambiente (MKIA), fó mós lisensa komersiál ba empreza sira maibé tuir lei foun ne’ebé SERVE nian, lisensiamentu sei fó de’it husi SERVE no MKIA sei hala’o sira-nia kompeténsia tuir dekretu lei ministériu nian.

Jornalista: Maria Auxiliadora/ Editor: Gantry Meilana

 

HUSIK IDA HATÁN