Laiha Koligasaun CNRT-FRETILIN Antes Eleisaun

0
963

DILI (TATOLI)— Vise Prezidenti Partidu FRETILIN Aniceto Guterres deklara katak, Partidu FRETILIN ho CNRT sei la iha mehi atu halo koligasaun antes eleisaun lejislativu 2017-2022, maibé tanba hakarak servisu hamutuk FRETILIN sei hola dezisaun depois eleisaun.

Aniceito Guterres
FOTO google.com

“Sei la iha koligasaun pre-elisaun, maibé FRETILIN komunga prinsipiu servisu tanba ne’e, dezisaun FRETILIN sei foti depois eleisaun,” Xefi bankada FRETILIN ne’e hateten ba Jornalista sira iha Parlamentu Nasionál, Tersa (28/03/2017).

Kondisaun FRETILIN nian bainhira la manan maioria iha eleisaun lejislativu sei halo koligasaun atu ka’er ukun, maibé koligasaun ne’ebé mak FRETILIN halo ka’er metin ba konkordansia programa servisu nian.

Tanba ne’e post-eleisaun iha koligasaun karik FRETILIN sei koliga ho partidu ne’ebé mak aseita ho akordu FRETILIN nian, iha akordu koalia kona-ba Programa ukun ba tinan lima nian.

Senariu seluk enkuantu FRETILIN la hetan konfiansa hodi forma koligasaun hodi ba ukun hamutuk, polítikamente FRETILIN iha fleksibilidade tomak hodi oferese nia kuadrus polítiku ne’ebé sai konfiansa hosi partidu seluk ne’ebé ukun bainhira presiza.

Prinsipiu ida ne’e FRETILIN adota tanba realidade hatudu ona iha governasaun ne’ebé mak lideradu hosi Primeiru Ministru Rui Maria de Araújo. Iha VI Governu ne’e maske FRETILIN la ukun maibé oferese nia ema nain hat (Rui Maria de Araújo, Inacio Moreira, Estanislau da Silva, ho Hernani Coelho) iha governasaun nia laran.

“Se ukun hamutuk ita tenke iha programa hamutuk, la bele tuir ida nia hakarak de’it, ida ne’e FRETILIN defende bainhira iha kologasaun,” Aniceito realsa.

Partidu FRETILIN, nu’udar partidu ístoriku ne’ebé moris ho objetivu defende direitu autodeterminasaun Timor-Leste Independensia. No iha era independensia afirma hikas nia politika misaun, konsolidada independensia, soberania e a paz iha país Timor-Leste. Garantia unidade nasionál, liberdade individual no harmonia social no Promove e defende Estado de Direito Democrático nune’e mós Mobiliza e organiza povo hodi kombate kia’ak nu’udar kauza Nasionál.

Jornalista: Manuel Pinto / Editor: Gantry Meilana

 

HUSIK IDA HATÁN