Kandidatu Kalohan Husu Apoiu Negosiante Taibesi

0
45
Candidatu Presidenti da Republika 2017-2022, Antonio da Consencao alias KALOHAN kualia hela ho Inan Feton ida wainhira halo visita ba Merkadu Taibesi hodi halo dialogu ho vendedores sira, Tersa 7 Marsu 2017. Foto:Antonio Goncalves

DILI, (ANTIL) – Kandidatu Prezidente Repúblika ho númeru sorteiu 8, Antonio da Conceição ‘Kalohan’  hala’o kampaña iha merkadu Taibesi Dili, Tersa (7/3) hodi husu negosiante sira nia votu iha loron 20 fulan ne’e.

“Ha’u mai atu aprezenta-án ba imi no husu imi nia apoiu iha eleisaun”, kandidatu hosi Partidu Demokratiku dehan.

Atuál Sekretariu Jerál PD dehan, kampaña ne’e atu fó edukasaun sivíka ba povu atu ezerse sira nia diretu iha eleisaun. “Negosiante sira laiha tempu atu rona informasaun, ha’u vizita hodi  sosializa ha’u nia-án”, katak tan.

Alende dada-lia ho negosiante sira, kandidatu ho ninia ekipa susesu halo mós observasaun ba kondisaun merkadu ne’ebé harii momentu ho kargu hanesan Ministru Komérsiu Industria no Ambiente.

Jornalista: Agapito dos Santos

Editora: Rita Almeida

HUSIK IDA HATÁN