Kampu Futebol Fatin Kampana Lugu Mamuk

0
37

AILEU (ANTIL) – Kampu Futebol Aileu, Munisipiu Aileu ne’ebe ohin (04/03/2017) lolos sei uza ba kampana kandidatura Prezidenti Republika (PR) numeru sorteiu 5, Jose Luis Guterres “Lugu” to’o notisias ne’e hatun kampu refere sei mamuk.

Tuir orariu ne’ebe hasai hosi Comissão Nasional Elisoens (CNE) hahu hosi tuku 10.00 OTL kampana lolos hahu ona, maibe iha terenu kampu kontinua mamuk no laiha emblema kampana nian hosi kandidatura ho numeru sorteiu 5 ne’e.

“Lolos ohin sira halo iha kampu oin ne’e duni, maibe to’o agora kontinua mamuk, orariu ne’ebe ami simu hosi sira mos nune’e dehan tuku 10 dadersan,” informa Inspektor Xefi Delfin da Silva, Komandante Operasaun PNTL MUnisipiu Aileu ba ANTIL, Sabadu (04/03/2017), iha nia servisu fatin Aileu Villa.

ANTIL tenta konfirma lolos ba atividade kampana kandidatura ne’e hosi kontaktu via mobile, maibe responsabel ne’ebe konta ba atividade ne’e lakohi hatan telefoni.

Hosi Aileu, tuir orariu mos iha loron hanesan tuku 15.30 – 16.15 kandidatu ne’e sei kontinua kampana iha Maubessi, Munisipiu Ainaro.

Ekipa kobertura / Editor: Gantry Meilana

HUSIK IDA HATÁN