ICJ Orgulu ho Setór Justisa Timor-Leste

0
83
Ministru Justisa, Dionísio Babo bainhira partisipa seminariu nasionál ne’ebé organiza husi Prokuradoria Jerál Repúblika ho tema"Internasional Criminal Court: Operation Opportunity And Challenges And 'Core International Crimes and Mode of Liability, Reconciling the ICC Statute With the Jurisprudence of the ad hoc Tribunals. Atividade ne’e hala’o iha Ótel Timor, Sesta, (31/3). Foto mídia MECAAEJ

DILI, (TATOLI) – Prokuradór Jerál Repúblika, José Ximenes hateten oradór husi Tribunál Penál Internasionál (International Court Justice) orgullu ho dezenvolvimentu setór justisa iha Timor-Leste.

“Sira rekoñese sistema judisiál ita nian no funsionamentu la’o di’ak tebes no hatudu avansu”, PJR hatete durante konferénsia Internasionál kona-ba servisu tribunál penál internasionál iha Ótel Timor, Sesta, (31/3).

Oradór sira hosi ICJ hanesan Caren Khan no seluk ne’ebé hetan rekuñesementu internasionál tanba kapasidade kona-ba Tribunál Penál Internasionál.

Nia informa, oradór sira iha intervensaun hateten, sistema no regulamentu balun ne’ebé Tribunál Penál Internasionál uza hodi hala’o julgamentu ba krime grave, TL mós oras ne’e adopta hodi implementa ona.

“Ita tenke orgullu ho sistema no regulamentu ne’ebé ita iha rasik,dala ruma ita gava nasaun seluk maibé ita avansu liu”, José Ximenes realsa.

Ministru Estadu Kordenadór ba Asuntu Administrasaun Estadu no Justisa, Ministru Administrasaun Estatál, Dionísio Babo kongratula Ministériu Públiku liuhusi Prokuradór Jerál Repúblika ne’ebé organiza konferénsia internasional hodi buka oportunidade oinsá atu ratifika estatutu Roma ba prosesu krime grave sira liuhusi Tribunál Penál Internasional.

“Timor-Leste seidauk rezolve krime grave sira ne’ebé akontese tanba sedauk ratifika estatutu Roma ne’ebé regula kona-ba krime grave sira”, Babo katak.

Seminár ne,e peritu internasionál nain rua hanesan Profesor David Cohen nudar Direitor Sentru WSD Handa ba Direitu Umanu no Justisa Internasionál no Prof Direitu Umanu no Justisa Internasionál iha Universidade Stanford. Seluk, Karim A.A.Khan,QC,Advogado Lincolns iha Londres hodi fahe esprensia ba jurista Timoroan.

Jornalista: Agapito dos Santos

Editora: Rita Almeida

HUSIK IDA HATÁN