Horta Husu PNTL Prevene Krime Organizadu

0
58
Membru PNTL husi unidade Fronteira wainhira partisipa iha aniversariu Polisia Nasional Timor Leste ba dala 17 iha akademia Polisia Komoro, Dili 27 Marsu 2017. Foto: TATOLI / Antonio Goncalves

DILI (TATOLI) – Eis Prezidente Repúblika Jose Ramos Horta husu ba Polisia Nasionál Timor Leste  (PNTL) atu prevene  husi ameasa krime organizadu  iha rai laran.

ʺPrevensaun krimi organizado ne’e laos PNTL deit, maibe ho mós Prokuradoria Gerál Repúblika tamba perigozu ba nasaun,ʺ katak Ramos Horta durante partisipa Aniversairu PNTL ba dala 17 iha Academia Polisia, Comoro, Dili, Segunda (27/03/2017).

Krimi organizadu hanesan droga, fasé osan, prostituisaun oras ne’e buras iha mundo no akontese mós iha Timor Leste.

Ho problema ne’e, Eis Premiadu nobel da pás ne’e afirma fó konfiansa ba Instituisaun PNTL no Polisia Sientifika Investigasaun Kriminal (PSIK) hodi prevene krime hirak ne’e.

ʺHau hatene PNTL no Polisia sientifika investigasaun Kriminal hetan apoiu maihusi Portugal, Australia, singapura no indonesia durante tinan hirak ne’e di’ak liutan maibe amesa hirak ne’e permanente tamba ne’e labele taka matan no labele toba,ʺ tenik RamosHorta.

Jornalista: Agapito dos Santos / Editor: Gantry Meilana

HUSIK IDA HATÁN