Horta Hato’o Parabéns ba Kandidatu Nain Rua

0
99

DILI, (TATOLI) – Loureadu Nobél ba Dame 1996, José Ramos Horta hato’o parabéns ba prezidente eleitu, Francisco Guterres ‘Lú-Olo’ no kandidatu António da Conceição ‘Kalohan’.

Nia dehan, sira nain rua marese, Prezidente Lú-Olo manan eleisaun prezidensiál no simu posse iha fulan-Maiu nu’udar Prezidente Repúblika. “Ha’u fiar Lú-Olo sei sai Prezidente ba povu tomak, sei hakoak Timoroan hotu-hotu”, hatete nia iha ninia pagina mídia sosiál.

Nia dehan tan, António da Conceição ho lideransa no militante Partidu Demokrátiku (PD) mós merese, parabéns, mesmu kampaña hahú tarde ho orsamentu oituan hasoru partidu boot rua (FRETELIN no CNRT) ne’ebé orsamentu la-falta, maibé hetan votasaun boot, ne’e hatudu kredibilidade PD no abut iha Timor tomak.

Eis Xefe Estadu ne’e hato’o mós parabéns ba povu tomak, lideransa hotu no militante, tanba hotu-hotu hatudu respeitu malu no disiplina iha tempu kampaña no loron votasaun ne’e, sei hamorin liutan Nasaun nia naran iha mundu.

Jornalista: Julia Chatarina

Editora: Rita Almeida

HUSIK IDA HATÁN