Hanoin Inan-Aman Hahú Muda

0
38

DILI, (ANTIL) – Reitór Instituto de Ciência Religiosas (ICR), Pe. Urbanos Bunga Lolon konsidera inan-aman sira agora iha mudansa boot ba hanoin, tempu Indonézia kauza situasaun polítika, konsidera oan sira la eskola mós la buat ida, agora sira preokupa.

“Agora, han ka la han oan tenke ba eskola”, Amu hatete iha ninia omilia ba estudante no profesór sira iha Eskola Tékniku Vokasionál (ETV), Becora, foin lalais ne’e.

Husu ba estudante sira estuda, esperansa (cita-cita) no motivasaun. Ba profesór sira, presiza sente nu’udar na’in, liliu responsabilidade no agradese ba Maromak.

“Eduka ita-nia oan sira, forma sai ema di’ak, nune’e lisensiatura ne’ebé produz ho kualidade globál”, realsa.

Agora tempu kompetisaun, presiza tau atensaun tanba nasaun ne’e tama ona iha komunidade internasionál. “Dalan ida de’it mak kompete malu”, afirma.

Diretór eskola ne’e, Francisco Guterres dehan, apoiu no formasaun ba professor sira hodi prepara estudante iha koñesimentu no kualidade.  “Atu iha koñesimentu no kualidade ba futuru, alende teória, estudante sira mós prátika”, konklui.

Direitu asesu edukasaun konsagra ona iha konstituisaun Repúblika Demokrátika Timor-Leste (RDTL), artigu 59 (Edukasaun no kultura) hafoin restaura indepedénsia iha Maiu 2002.

Jornalista: Rafy Belo

Editora: Rita Almeida

HUSIK IDA HATÁN