Empreza 3A Timor S.A Hakarak Loke Banku Privadu

0
150

DILI, (ANTIL) – Empreza foun 3A Timor S.A, dadaun ne’e submete ona pedidu ba Banku Sentrál Timor-Leste atu hetan autorizasaun loke banku ho kapitál privadu iha Dili.

Komunikadu ne’ebé ANTIL simu husi Ministériu Planeamentu no Investimentu Estratéjiku (MPIE), fonte husi Banku 3A Timor S.A submete ona dokumentu atu hetan lisensa.

3A Timor S.A parte husi grupu sosiedade internasionál ne’ebé hakarak valoriza investidór no fundadór banku durante liu tinan sanulu iha “Ázia-Arábika-Áfrika” . Ligasaun forte setór públiku ho privadu, investidór sira hetan iha rejiaun 3, atu hili naran “3A”.

“Futuru banku “3A Timor, SA” atu harií  banku ida haforsa setór finanseiru ho setór banku iha Timor-Leste, nomós atubele opera iha nivel internasionál no kanaliza kapitál investimentu nian”, fundadór sira katak.

Investór sira, Masoud Al Harthy husi Omana, Gilles Assouline no Laurent Imbert husi Fransa, halo proposta  atu hetan kapitál ne’ebé disponivel iha zona globu, kanaliza mós ba projetu investimentu iha Timor-Leste, ho objetivu oferese taxa de juru ki’ik liu ba emprezáriu ne’ebé hakarak atu dezenvolve ninia atividade  iha Timor-Leste no populasaun tomak, tuir akordu prátika internasionál ne’ebé di’ak liu.

“Banku seluk iha Timor Leste seidauk bele fornese ba empreza no ema timoroan sira. Kontrola ninia operasaun tuir Objetivu Dezenvolvimentu Sustentavel ne’ebé define husi konferénsia dala-ruanulu-resin-ida husi Nasaun Unidas kona-ba alterasaun klimátika (COP 21) iha Paris no husi konferénsia (COP 22) iha Maraquexe”.

Loke ninia atuasaun no aproveita potensial ne’ebé boot husi relasaun estratéjika Timór nian ho nasaun sira seluk, katak pertense iha CPLP no G7+ hanesan mós ligasaun ekonómika ho nasaun membru ASEAN no komunidade súl pasífiku.

Governu Timor-Leste, liu husi MPIE, akompaña prosesu importante ba investimentu estranjeiru ba Timor-Leste.

Ministru Planeamentu no Investimentu Estratéjiku, Xanana Gusmão konsidera, fundamentál ba dezenvolvimentu no fortalesimentu ekonomia empreza nasionál, Timor-Leste tenke iha setór banku ne’ebé kompetitivu, kapasidade atu apoia di’ak liu empreza ki’ik no boot, buka solusaun finanseira ba sira -nia negósiu.

Pretende mós atubele fó posilidade ba timoroan asesu ba kondisaun banku nian atu bele loke sira-nian primeiru “negósiu” no hadi’a sira-nia kondisaun moris loron-loron. (jornalista: Maria Auxiliadora; editora: Rita Almeida)

HUSIK IDA HATÁN