Atletico Ultramar Lidera Grupu B ho Pontus 9

0
86
Kontra atake entre jogadór Aitana FC (costum mean) no Atletico Ultramar (costum metan) iha Estádiu Municipal Dili, Kinta horsehik. Imajen Mídia LFA

DILI, (TATOLI) – Bravo Atletico Ultramar, ekipa hosi Munisípiu Manatuto, hatudu sira nia kbiit jogu bainhira kontra Aitana FC ne’ebé hala’o iha Estádiu Munisipál Dili, Kinta horsehik, Ultramar manán Aitana ho golu 4-1.

Klube idéntiku ho balisaun ne’e lidera grupu B sigunda divizaun Liga Futeból Amadora (LFA) ho pontus 9. Enkuantu, Aitana FC nafatin okupa pozisaun 3 ho pontus 4.

Atletico Ultramar rezulta golu ba dala uluk iha minutu 15, liu hosi jogadór Cristian Pereira. Liu minutu ida de’it, Aitana resposta kedas ho golu ne’ebé maka oferese hosi jogadór avansadu, Narcisio iha minutu 16.

Tama ba minutu 26, Bernabe, konsege oferese golu ida tan hodi lori Atletico Ultramar, taka primeira parte ne’e ho lidera provizóriu 2-1. Parte daruak, Atletico Ultramar ne’ebé hetan treinu hosi treinadór ho nasionalidade Indonézia hatudu duni sira nia determinante iha kampu laran liuhusi ataka ne’ebé maka sempre fó ameasa ba iha ekipa Aitana FC.

Serbisu maka’as ne’ebé maka hatudu hosi jogadór Aitana FC, hetan duni rezultadu di’ak. Tama ba minutu 77, Manuel Fernandes konsege marka golu ida hodi lori nia ekipa lidera ho golu tolu.

Antes jogu ramata, Jacinto Costa aumenta tan golu iha minutu 90, hodi taka jogu entre ekipa rua ho rezultadu 4-1 ba vitória ekipa Atletico Ultramar.

Jornalista: Xisto Freitas

Editora: Rita Almeida

HUSIK IDA HATÁN