Académica FC Dedika Vitória Ba UNTL

0
79

DILI, (ANTIL) – Académica FC lolo Zebra FC ho golu 3-0 iha jogu primeira divizaun Liga Futeból Amadora (LFA) ne’ebé hala’o iha Estádiu Munisipál Maliana, Domingu (5/3).

“Vitória ne’e dedika espesiál ba Universidade Nasionál Timor Lorosa’e (UNTL), reitór UNTL ho nia estrutura ne’ebé maka sempre apoia Académica FC nomós adeptu sira”, Fernando Xavier Baptista nu’udar treinadór ba ANTIL iha nia hela fatin, Tersa ne’e.

Nia senti kontenti ho rezultadu ne’e, pasu di’ak para bele hakat ba oin. “Klubu sira ne’ebé maka iha primeira divizaun ne’e forsa hanesan de’it, Zebra nia frakeza maka jogadór estranjeiru seidauk adapta didi’ak liña entaun sai oportunidade ba ami hodi rezulta golu”, Fernando haktuir.

Rezultadu ne’e akontese liuhusi koorperasaun entre liña ne’ebé di’ak.

Eis jogadór klubu Fitun Estudante Lorosa’e sente tristi oituan ho adeptus ne’ebé mukit tebes, sorte Académica lori ninia adeptu, nune’e halo kampu rame oituan.

Situasaun ne’e, husu ba Órgaun Liga Futeból Amadora halo avaliasaun. “Ita lori eventu di’ak, komunidade sira la fó apresiasaun,” nia tenik.

Jornalista: Xisto Freitas

Editora: Rita Almeida

HUSIK IDA HATÁN