Hetan Lampu Verde Hosi AIIB, Governu Deskuti Adeasaun TL

0
143
Foto: Google.com

DILI (TATOLI) – Aseitasaun ou lampu verde ne’ebe Banku Investimentu no Infraestrutura Aziatiku nian (AIIB-Asian Infrastructuture Investment Bank) fo ba adeasaun Timor-Leste nian nudar membru, lori governu deskuti kestaun ne’e iha enkontru Konsellu Ministru.  

 “Ohin Ministeriu Financas mai informa ba Konselhlu konaba ita nia aplikasaun ne’e banku konsidera ona, maibe atu kompleta adezaun Ita tenki kumpri tan kriteira balun husi Banku,” dehan Vise Ministru Financas, Helder Lopes ba TATOLI.

Kriteria tenki kria rezolusaun adezaun nebe’e hetan ratifikasaun husi Parlamentu Nasionál, nomeasaun kandidatura TL ba Banku Dezemvolvimentu Infratutura Aziatiku iha Beijing.

“Konsellu Ministru fó ona apresiasaun pasu tuir mai maka ministeriu finansas maka sei servisu hamutuk ho banku ne’e para finaliza prosesu  ida ne’e para ita bele sai membru ho lalais,” tenik Vise ME.

Helder esplika, Timor-Leste sei hetan benefisiu orsamentu husi banku ne’e hodi dezemvolve setór Infrastutura.

“Banku ida ne’e kumprimitidu atu dezemvolve infrastutura iha rejiuan azitiku, azia no mundo tomak, Timor Leste hare ida ne’e nudar oportunidade atu dezemvolve ita nia projeitu bo’ot sira liliu asesu ba orsamentu no asitensia teknika,”esklarese Vise MF.

Governante ne’e realsa, sei esforsu atu finaliza kriteria aplikasaun antes reuniaun annual AIIB iha Junu 2017.

“Iha enkontru annual ne’e ita esforsu ofisialmente sai membru,“ dehan Vise Ministru.

Governu hatama aplikasaun ne’e iha fulan haat kotuk no hetan aprovasaun husi AIIB iha 23 Marsu 2017.

Tuir planu governu sei apresenta aplikasaun ne’e ba Parlamentu Nasionál iha tempu besik hodi hetan ratifikasaun no aprovasaun.

Jornalista: Agapito dos Santos / Editor: Gantry Meilana

HUSIK IDA HATÁN