VI Governu Intensifika Sistema Abastesimentu Bee-mos

0
39

DILI (ANTIL)– Durante tinan rua mandatu VI Governu Konstitusionál iha setór infraestrutura nian remata no inaugura ona projetu reabilitasaun no haluan sistema abastesimentu bee nian iha kapitál munisípiu Manatutu.

Sistema abastesimentu ne’e sei fahe bee mos durante oras 24 nia laran iha loron ida ba suku Sau, Ailili no Maabat.

“Ita kontinua harii sistema abastesimentu bee nian iha Oekusi ne’ebé to’o ona 59%, proposta O&M ba Manatutu to’o 65% no ita hala’o levantamentu dadus ba bee-matan foun tolu iha Bobonaru”,  dehan komunikadu governu ne’ebé ANTIL asesu foin lalais ne’e.

Iha Autoridade Munisipál Dili, harii tiha ona ligasaun foun abastesimentu bee nian hamutuk 263 hatan ba pedidu hamutuk 700. Rezolve tiha ona keixa 1.688 husi totál 4.175, selu ona 159.850 husi reseita hirak relasiona ho tarifa bee nian no prodús bee 25.649,91 m3.

Durante tinan rua Governu haruka ona atu sirkula polítika no lei kona-ba rekursu ídriku, polítika kona-ba abastesimentu bee nian no dekretu lei konaba bee nalihun sira molok atu haruka ba Konsellu Ministru.

“Ita hahú ona ho estudu pilotu kona-ba output based approach ba Manatutu, sistema saneamentu ba sentru munisipál sira no ita hala’o ona inventáriu kona-ba patrimóniu Estadu no MOPTK”, dehan komunikadu ne’e.

Governu mós remata ona planu mestre bee no saneamentu ba kapitál Same,Baukau, Vikeke no Lospalos. (Jornalista : Maria Auxiliadora/Editor : Alberto Alves)

HUSIK IDA HATÁN