STAE : UNDP Sei Fornese Tinta Ba Impresaun Digitál

0
20

Dili, (ANTIL) – Nacoes Unidas (ONU) liu hosi United Nation Development Program (UNDP), sei fornese Tinta impresaun digitál ba eleisaun prezidensiál iha Timor-Leste (TL), ne’ebé sei monu iha 20 Marsu.

Lia hirak ne’e hato’o hosi Diretór Jerál STAE, Acilino Manuel Branco, ba ANTIL iha nia servisu fatin, Kaikoli, Tersa (21/02) relasiona ho Ministériu Administrasaun Estatál (MAE) ho Sekretariadu Tékniku Administrasaun Eleitórál (STAE), ne’ebé koopera ho UNDP hodi apoia materiál hanesan tinta no sira seluk tan.

“Fornesimentu materiál tinta hosi UNDP, daudaun ne’e prosesu la’o hela, sira lori ona modelu tinta mai ona iha STAE atu halo teste kona-ba ninia kualidade, nune’e iha eleisaun votante sira bele uza iha ámbitu eleisaun” Diretór Jerál STAE haktuir

Nia esplika, STAE propoin kuantidade tinta ba kada estasaun votu tuir espesifikasaun ne’ebé mak sira fó ho medida hosi 50 litru ne’ebé kobre 60 eleitór.

Estasaun ida bele uza rua to’o tolu, depende ba utilizasaun ba kada estasaun tanba dalaruma eleitór balun hatama liman bele tama hotu no balun oituan no hetan estragus ruma karik, neduni tenke antisipa tanba ne’e hanesan meiu ida hodi justifika katak eleitór vota ona.

STAE simu bulletin votu tarde liu iha loron 14, tanba ne’e materiál hotu-hotu molok semana ida ba eleisaun tama hotu ona hafoin organiza fila fali hodi transporta ba munisípiu sira. (Jornalista : Zezito Silva/Editor : Alberto Alves)

HUSIK IDA HATÁN