SLB Laiha Ambisaun Sai Kampiaun LFA

0
35

DILI, (ANTIL) – Klubu AD SLB Laulara laiha ambisaun atu sai kampiaun ba Liga Futeból Amadora tanba SLB nia objetivu prinsipál maka atu kaderiza jogadór sira atu reprezenta Timor ba jogu internasionál.

Asistente Treinadór AD SLB Laulara, Gaspar Pinto ba ANTIL iha Kampu Demokrasia, Dili, Segunda (13/2).

Tanba ne’e, ba jogu abertura LFA segunda époka iha Estádiu Baucau iha 18 Fevereiru ne’e SLB prepara án hanesan baibain de’it. Tanba, jogu iha ka laiha, sira sempre treinu hosi segunda to’o sábadu.

“Abertura Liga Futeból Amadora (LFA) iha Baucau ne’e ami antisipa nanis ona. Ami nia preparasaun ne’e rutina. Jogu iha ka laiha ami kontinua treinu hahú hosi segunda to’o iha sábadu.” Gaspar haktuir.

Gaspar informa, sira nia preparasaun ne’e foku liu-ba oinsá atu halo jogu ofensivu ba grandeia ekipa adversáriu. Oras ne’e, nia dehan, sira fó motivasaun ba jogadór sira atu halo preparasaun ba mentalidade tanba joga iha Baucau ne’e sei iha tensaun ás oituan. Ekipa SLB sei aranka ba Baucau iha Sesta (17/2) dader ho jogadór hamutuk 27 no ofisiál sira. (jornalista: Xisto Freitas; editora: Rita Almeida)

HUSIK IDA HATÁN