SEPFOPE Apoia Ekipamentus ba Prizaun Becora

0
35

DÍLI (ANTIL) – Sekretaria Estadu Polítika Formasaun Profesional no Empregu (SEPFOPE) Segunda (20/02) entrega ekipamentus auto-empregu ba prizioneirus  iha prizaun Becora.

Sekretariu Estadu, Ilídio Ximenes no Ministru Justisa (MJ) Ivo Valente lori governu nia naran, asina no halo termu entrega ba sasan hanesan mákina produsaun tijolu kesi, mákina suku no seluk tan atu fasilita no aumenta prizioneirus sira nia produtividade.

SEPFOPE no prizaun becora halo koordenasaun ona katak okupante ne’ebé ho komportamentu diak, bele ba servisu iha komuniadade nia laran maibé tenke tuir kritériu.

“Guarda prizaun sira mak sei hare imi nia komportamentu ne’ebé tuir kritériu, ita koko ida rua lai, sei diak mak ita aumenta tan”, tenik SEPFOPE Ilídio Ximenes.

Governante ne’e informa ba prizioneiru sira, wainhira bele servisu ona iha fatin balun, iha osan prátika no SEPFOPE sei kria mekanismu entre guarda prizaun no explika mos konaba programa Auto-empregu.

 (Jornalista: Julia Chatarina/Editor : Alberto Alves)

HUSIK IDA HATÁN