Sei Laiha Muturabu iha Jogu LFA

0
34

BAUCAU (ANTIL)—Veteranu Berdu´u hosi Munisípiu Baucau hateten sei laiha ema ida maka atu mai disturba (muturabu) jogu Liga Futeból Amadora (LFA) époka daruak iha Buaucau tanba jogu ne´e fó vantajen ba Baucau oan sira.

“Tempu bele muturabu maibé jogu ne´e sira sei la muturabu tanba ne´e atu fó anima barak no fó vantajen ekonómuikamente ba komunidade siram,” Berdu´u hato´o kestaun ne´e ba ANTIL iha abertura LFA entre AD SLB Laulara no Zebra FC iha Estádiu Baucau, Sábadu (18/2).

Nia husu ba juventude Baucau atu hanoin ho rasionál no labele haree buat hotu-hotu mesak ladi´ak de´it. Nia dehan, Baucau oan tenki hatene katak jogu ne´e nia valór ás teb-tebes tanba eleva munisípiu nia naran iha nasionál nomós iha nasaun seluk.

  “Uluk ita muturabu tanba iha situasaun ida ne´ebé ita infrenta atu lori ita nia rai ba ukun rasik án. Maibé, agora, mai ita hotu-hotu hatudu ita nia matenek hodi dezenvolve ita nia munisípiu sai munisípiu ne´ebé prósperu,” Berdu´u enkoraza. (Jornalista: Xisto Freitas/Editor : Alberto Alves)

HUSIK IDA HATÁN