Reseita Mina Tasi Timor Trimestre Ikus US$ 36.21 milloens

0
126

DÍLI (ANTIL) – Banku Central Timor-Leste (BCTL) fó sai relatóriu trimestre husi Fundu Petrolíferu Timor-Leste periúdu ikus 31 Dezembru 2016 ne’ebé hatudu fundu kapital US$ 15.84 billoens kompara ho trimestre anterior US$ 16.60 billoens. Hosi Dadus indika katak reseita kapital, mina Tasi Timor iha trimestre ida ne’e US$ 36.21 milloens.

Total reseita ne’e kompostu US$ 10.14 milloens husi kontributor sira ne’ebe selu taxa, no US$ 26.07 milloens kontributor royalty husi Autoridade Nasional Petrolíferu (ANP).

“Reseita husi investimentu iha trimestre ida ne’e -US$ 197 milloens, kompostu husi dividendus ne’ebé ita simu US$ 76.93 milloens, regulasaun merkadu  -US$ 27.91 milloens, no kontribuisaun husi Kâmbiu sira -US$ 242.64 milloens, hatudu retornu porfoliu mak -1.14% kompara ho nia retornu benchmark -1.41%,” esplika Diretór Ezekutivu Jestaun Fundu Petrolíferu BCTL Venâncio Alves Maria wainhira hato’o relatóriu trimestre  ba Reprezentativu Mídia sira iha Salaun Reuniaun BCTL, Kuarta (01/02).

Nia hatutan, Osan ne’bé sai durante trimetre ida ne’e kompostu total US$ 601.91 milloens, US$ 600 milloens transfere ba orsamentu Estadu iha trimetre ida ne’e nia laran, US$ 1.91 milloens kobre kustu jestaun.

“Ita hetan retornu US$ 647.68 milloens durante trimestre ida ne’e, iha termus retornu ita hetan positivu iha tinan ne’e nia laran mesmuke trimestre ikus ne’e negativu,” dehan Venâncio.

Nune’e nia dehan tan, merkadu iha trimestre primeiru, liu-liu merkadu asoens sa’e ituan nudar responde asaun ba eventu sira ne’ebe akontese iha mundu inklui eleisaun Amérika.

Jornalista: Julia Chatarina / Editor: Gantry Meilana 

HUSIK IDA HATÁN